FONNKÈR : "Printan" de Papang

Papang

Retrouvez chaque samedi, un fonkézèr de l'île des poètes.

Réunion la 1ère Publié le

PRINTAN

Printan
Pran in tan pokosa ?
Afer printan ?
Nou pa dann sézon Lavites ?
I di, i prétan :
Lavites
bé ... li na son tan.
Porézon printan,
Pran in tan.
Anprétan printan,
Nou la pran lotan.
Nou la anval printan i prétan.
Printan po et,
Printan po ni.
Ni prétan in zour na pran in tan,
Po koz printan dann péi
Mon vintan.
Vyin in tan ousa
Po yinm, po di
ni yinm
Fo ni po ... èm
Fo ni (nout kouler lapo
Kouler nout po
Kouler nou lapo)
Fo ni yinm anou ...
Ponouminm
Po minm di :
Printan !
Fo ni pran in tan.
Alors c'est en empreinte en
France que ni pran in tan
Po koz printan
Sansa printemps.
Domin reskab,
Soumanké,
Na printan
pran in tan
Na antonn in tan,
Si lotan
Kakil lotan ousa domoun té i di pa :
Printemps,
Été,
Automne,
Hiver.
Nonva, Anou
Lété, té sézon koutvan
Ousa domoun té i prétan printan
Koup bann pyé
Pangar koutvan.
Konmdiré lot : dan l’autonme
Amwin mi antonn
Mi antonn,
mi sa pran in tan
Atann domoun i printan
Laissez une empreinte
Anprintan langaz monmon-papa
La touzour di amwin printan
Pars bé,
Lavites na son tan
É amwin m la printan
Domann azot printan
Akout mon Fonnker
Mon brizdéker
Mon bous lésans rozamer

Mon bek ankitsamer
La ni di azot printan po èm
Pran po et
Printan po domin zamé Larényon nora printemps,
L’était
L'autre-aune
Et Liv(re) Vert.
M la pran in tan Po M
9 mwa po et
Po em
Malouya,
Mon zanfan mi yinm.
Po Malouya,
Po Zanariya
Ma printan
Po domin lorapi zamé
Printemps dann péi mon vintan,
Zanariya péi Zinnzan.